Labrego con algo de poeta. Biografía de Manuel María foi premiada na Gala do Libro Galego 2017 na modalidade de ensaio o pasado 20 de maio.
Este é o vídeo da entrega, que pode verse xunto ao resto do acto nesta ligazón.
Arquivo da categoría: Premios
Recensión da miña segunda obra premiada, Vivir, unha aventura irrepetíbel
Esta recensión foi publicada no weblog da Editorial Galaxia o 7 de maio de 2012, con motivo do foi a miña segunda obra premiada, “Vivir, unha aventura irrepetíbel. Biografía de Mª do Carme Kruckenberg”, que conseguiu no 2012 o Premio de Ensaio da Asociación de Escritoras e Escritores en Lingua Galega de ensaio.
“O pasado sábado, e como cada ano, a Asociación de Escritores e Escritoras en Lingua Galega celebrou a tradicional Cea das Letras nas que se deu a coñecer as obras gañadoras como as mellores do ano nas distintas categorías.
Nesta ocasión, dous libros de Editorial Galaxia resultaron escollidos polos socios e socias os mellores de entre todos os publicados o ano pasado.
Así, no apartado de Ensaio, a obra de Mercedes Queixas Zas, Vivir, unha aventura irrepetíbel. Biografía de Mª do Carme Kruckenberg, alzouse co galardón, mentres que a mellor obra de narrativa resultou ser, a xuízo dos membros da AELG, Laura no deserto de Antón Riveiro Coello.
Sen dúbida, dous máis que merecidos premios que veñen a engrandecer o noso catálogo e, sobre todo, a traxectoria literaria da autora e do autor premiado, a quen toda a familia de Galaxia amosa hoxe o seu orgullo máis grande.”
Recensión do meu primeiro premio, Bergantiños desde os libros
Aquí queda a recensión en La Voz de Galicia-Bergantiños do meu primeiro premio, Bergantiños desde os libros, concedido no 2003 polo meu libro Frei Martín Sarmiento. O inicio da recuperación da conciencia galega.
Mercedes Queixas e Sonia Varela recibiron o premio Bergantiños desde os libros, do mesmo xeito que foron galardoados algúns dos grupos que ensaia Álex Insua.
O Instituto de Estudos Bergantiñáns aproveitou o fin de semana para entregar o premio Bergantiños desde os libros, compartido este ano por Mercedes Queixas Zas e Sonia Varela Pombo, autoras de senllos libros sobre Frei Martín Sarmiento. Por parte da entidade organizadora entregaron as figuras Moncho Tasende e Xan Fernández Carrera. As gañadoras mostráronse satisfeitas e agradecidas, e recibiron numerosas mostras de apoio por parte dos asistentes á cea conmemorativa. (…)”
Mercedes Queixas 